உணவு, உடை ஆகியவற்றிற்கு அடுத்தபடியாக ஒரு மனிதனின் அடிப்படை தேவை என்பது குடியிருப்பதற்கு ஒரு வீடு தான். அது சொந்தமாக இருந்து விட்டால் அது தரும் நிம்மதி, நிறைவு என்பது தனி தான். என்ன தான் வசதி வாய்ப்புக்குளுடன் இருந்தாலும் சொந்த வீட்டில் இருக்கும் சுகத்தை வாடகை கொடுக்காது. எலி வலையானாலும் தனி வலை என்பார்கள். அது போல் சிறியதாக இருந்தாலும் அது சொந்த வீடு என்ற மனநிறைவை தான் அனைவரும் எதிர்பார்ப்பது.
சொந்த வீடு யோகம் :
சொந்த வீடு என்பது அனைவருக்கும் இருக்கு கனவாகும். அது பெரு நகரங்களில் வாழும் மக்களுக்கு, எப்படியாவது சொந்த வீடு வாங்கி விட மாட்டோமா என்பது பெரும் போராட்டமாகவே உள்ளது. சம்பாதிக்கும் பணத்தில் பெரும் தொகையை வீட்டு வாடகைக்கே செலவிட வேண்டி உள்ளது, வீட்டு உரிமையாளர் பிரச்சனை, வசதி குறைவால் அடிக்கடி வீடு மாற வேண்டி உள்ளது என்பதால் சொந்த வீடு என்பது அவசியமான ஒன்றாகி விட்டது.
ஆனால் நமக்கு சொந்த வீடு அமையும் யோகம் இருக்கா? இல்லை? என்பதை நம்முடைய ஜாதகத்தை பார்த்து எப்படி தெரிந்து கொள்வது என்பதை எளிமையாக தெரிந்து கொள்ளலாம். இதை ஜோதிடரிடம் ஆலோசனை பெற்றோ அல்லது நாமே சரியாக கவனித்து பார்த்தோ கண்டுபிடிக்க முடியும்.
ஒவ்வொரு ராசி மற்றும் நட்சத்திரத்திற்கு ஒரு கிரகம் லக்னாதிபதியாக இருக்கும். லக்னாதிபதி ஆட்சி பெறுவது சொந்த வீட்டில். அப்படி உங்களுடைய ஜாதகத்தில் லக்னாதிபதி சொந்த வீட்டிலேயே ஆட்சி பெற்று இருந்தால் கண்டிப்பாக சொந்த வீடு யோகம் அமையும். சிலர் தங்களுடைய சொந்த ஜாதகத்தை மட்டும் பார்த்து விட்டு, அதில் லக்னாதிபதி சொந்த வீட்டில் ஆட்சி பெறவில்லை. அதனால் நமக்கு சொந்த வீடு யோகம் இல்லை என முடிவுக்கு வந்து விடுகிறார்கள்.
சொந்த வீடு யோகத்தை கண்டுபிடிக்கும் முறை :
சொந்த வீடு யோகம் உள்ளதா, இல்லை என்பதை தெரிந்து கொள்ள வீட்டின் தலைவருடைய ஜாதகத்தை மட்டும் பார்த்தால் போதாது. மனைவி உடைய ஜாதகத்திலோ அல்லது குழந்தைகளுடைய ஜாதகத்திலோ லக்னாதிபதி சொந்த வீட்டில் ஆட்சி பெற்றிருந்தால் அவர்களுக்கு சொந்த வீடு யோகம் அமையும். லக்னதிற்கு ஆறாம் இடத்துடன் தொடர்பு இருந்தால் அவர் கடன் வாங்கி வீடு வாங்கலாம். ஆறாம் இடத்துடன் லக்னாதிபதிக்கு தொடர்பு இல்லை என்றால் ரொக்கமாக பணம் கொடுத்தே வீட்டை வாங்கலாம்.
அது மட்டுமல்ல லக்னாதிபதி உபயம் என சொல்லக் கூடிய ஜாதக கட்டத்தின் நான்கு மூலைகளில் ஏதாவது ஒன்றில் லக்னாதிபதி பலம் பெற்று இருந்தால் நிச்சயம் சொந்த வீடு யோகம் அமையும். இந்த அமைப்பு யாருக்கெல்லாம் உள்ளதா அவர்கள் பிறப்பு முதல் இறப்பு வரை சொந்த வீட்டில் வாழும் யோகம் அமையும். குடும்பம் என்பது வீட்டில் உள்ள அனைவரும் சேர்ந்த அமைப்பு ஆகும். அதனால் வீட்டில் உள்ள யாராவது ஒருவருடைய ஜாதகத்தில் லக்னாதிபதி ஆட்சி பெற்று இருந்தால் அவர்களுக்கு நிச்சயமாக சொந்த வீடு யோகம் அமையும். அப்படி இல்லை என்றால் லக்னாதிபதி பலம் பெற்று ஆட்சி பெறுவதற்கு ஏதாவது பரிகாரம் உள்ளதா என்பதை ஜோதிடர்களை அணுகி தெளிவு பெறலாம்.